Tashkent City Mallda mashhur niderlandiyalik rassom Vincent van Gogh hayoti va ijodiga bag‘ishlangan “Van Gog bo‘lish” nomli yirik multimediya ko‘rgazmasi ochildi. U XIX asr Yevropa rangtasvirining eng ta’sirchan ustalaridan biri hisoblanadi.
Loyiha oddiy kartinalar ekspozitsiyasi emas, balki tomoshabinni o‘ziga tortuvchi multimediya tajribasini taqdim etadi. Ko‘rgazma ikki yirik shou va uchta mavzuli zonani o‘z ichiga oladi. Mehmonlar rassomning shaxsiy ijodiy yo‘lini — dastlabki izlanishlaridan tortib, o‘ziga xos badiiy tilini shakllantirishi va san’at olamida tan olinishi bosqichlarigacha kuzatib borishlari mumkin. Yangi vizual materiallar va interaktiv qismlar uning ichki dunyosi, xarakteri hamda san’atga ta’sirini chuqurroq anglashga yordam beradi.
Ko‘rgazma taxminan 1 400 m² maydonni egallagan bo‘lib, Tashkent City Mall savdo markazining ikkinchi qavatida har kuni faoliyat yuritadi.
Ish vaqti va chiptalar:
— har kuni 10:00 dan 23:00 gacha;
— payshanba — kirish bepul (navbat asosida);
— dushanba–chorshanba — 40 000 so‘mdan;
— juma–yakshanba — 60 000 so‘m;
— maktab o‘quvchilari, talabalar, 10 yoshgacha bo‘lgan bolalar va ayrim toifalar uchun imtiyozlar va bepul kirish mavjud.
Ko‘rgazma 2025-yil 9-dekabrdan 2026-yil 8-fevralgacha davom etadi.
