01. Nima sodir bo‘ldi?
2026-yildan boshlab YTT (yakka tartibdagi tadbirkorlar) va o‘zini o‘zi band qilganlar uchun 2026–2030-yillar davriga mo‘ljallangan maxsus huquqiy rejim joriy etiladi.
U davlat va moliyaviy xizmatlarni to‘lov tashkilotlarining raqamli platformalari (ilovalar) orqali olish imkonini beradi.
Nimalar o‘zgaradi:
- biznesni bitta ilova orqali yuritish mumkin;
- E-IMZO majburiy emas — tasdiqlash SMS yoki biometrika orqali;
- aylanmadan olinadigan soliq 4 % dan 1 % gacha kamayadi;
- daromadi 100 mln so‘mgacha bo‘lgan o‘zini o‘zi band qilganlar aylanmadan soliq to‘laydi;
- YTT uchun belgilangan JShDS bekor qilinadi.
02. Maxsus QR-kod nima uchun kerak?
Har bir YTT va o‘zini o‘zi band qilgan shaxs to‘lovlarni qabul qilish uchun maxsus QR-kodga ega bo‘lishi shart. QR-kod raqamli platformada yaratiladi.
QR-kod yo‘qligi kassa yoki terminal yo‘qligiga tenglashtiriladi.
Jarima — 5 mln so‘m.
03. Maxsus QR-kodni qanday olish mumkin?
QR-kodni faqat Prezident qarori talablariga javob beradigan maxsus raqamli platformalar orqali olish mumkin.
04. Hozir qaysi platformalar mavjud?
Hozircha talablarga faqat Paynet ilovasidagi Xolis xizmati javob beradi.
Kelajakda platformalar ro‘yxati kengayishi mumkin.
05. Paynet Xolis’dan foydalanish majburiymi?
Rasmiy jihatdan — ixtiyoriy.
Amalda esa — majburiy, chunki hozircha majburiy QR-kodni beradigan boshqa platforma yo‘q.
06. Xolis xizmati pullikmi?
Ro‘yxatdan o‘tish va foydalanish — bepul.
Pul yechish komissiyalari:
- Uzcard / Humo — 0,9 %;
- naqd pul yoki hisob-raqamga — 1 %.
Cheklovlar:
- korporativ kartalar bilan to‘lov qabul qilib bo‘lmaydi;
- qaytarish (refund) funksiyasi yo‘q (keyin qo‘shilishi rejalangan).
07. Raqamli platformalar yana nima uchun kerak?
Faqat QR-kod uchun emas. Platformalar butun biznes jarayonini bitta joyda birlashtiradi:
- YTT yoki o‘zini o‘zi band qilgan sifatida onlayn ro‘yxatdan o‘tish (Face ID + SMS);
- E-IMZOsiz shartnoma va hisoblarni tasdiqlash (SMS orqali);
- bank hisob o‘rnini bosuvchi biznes-hamyon — ish haqi, hisob-kitob va soliqlar uchun.
08. Avvalgidek kassa orqali ishlash mumkinmi?
Ha, kassadan foydalanish mumkin.
Ammo:
- agar to‘lovlar qisman QR, qisman kassa orqali bo‘lsa — ikki xil hisobot bo‘ladi;
- faqat kassa bilan ishlansa ham, QR-kod baribir majburiy, aks holda 5 mln so‘m jarima.
