Toshkentda yanvar oyining eng muhim futbol voqeasi bo‘lib o‘tdi: xalqaro FIFA Trophy Tour by Coca-Cola doirasida O‘zbekistonga FIFA futbol bo‘yicha Jahon chempionatining original kubogi — jahon futbolining ramzi va millionlab muxlislar orzusi olib kelindi.
Trofey yanvar oyining oxirida poytaxtga yetib keldi va yirik ko‘rgazma majmualaridan birida namoyish etildi. Mehmonlar kubokni jonli ravishda ko‘rish imkoniga ega bo‘ldi. Tur Coca-Cola — FIFA’ning rasmiy hamkori hamda O‘zbekiston futbol assotsiatsiyasi ko‘magida tashkil etildi.
Marosimda sport va davlat tuzilmalari vakillari, shuningdek xalqaro mehmonlar ishtirok etdi. Alohida e’tibor 2006-yilgi jahon chempioni Marko Materatssiga qaratildi — u trofey turida kubokni kuzatib bordi.
Tadbir futbol tarixiga yaqinlashish imkoniyati bo‘lishi bilan birga, mahalliy futbolchilar uchun ham ilhom manbaiga aylandi — ayniqsa O‘zbekiston milliy terma jamoasi ilk bor yo‘llanma olgan FIFA 2026 Jahon chempionati arafasida.
